Corpus Van Reenen-Mulder (CRM14): Oorkonde E198p39201

JC Jan dirc coenraets zoens zoen make cond allen luden dat ic vercoft hebbe eueraert Jans zoen twie morghe_ lants luttel meer ofte min die ic cofte yeghens willem van + der made en_ dirc van + der made en_ gheleghen zien in + den vryen + ban die ic hem beloue te ware_ Jn allen maniere_ en_ vorwaerden als dese d˚ersteken brief in~hout / ende ic belye mi van desen vorseyde_ lande voldaen en_ wel betaelt den eerste_ pe_ninc enten Lesten / Omme~dat dit waer is en_ ic selue ghene_ seghel en hebbe so hebbic ghebeden aernd vrydachs zoen / en_ hughe starke heyne_ zoen dat si desen brief voir mi beseghelen willen / en_ wj arnd en_ hughe vornoemt om bede wille Jan dirx zoens vorscr_ so hebbe_ wi in kennesse der waerheyt dese_ brief ope_ beseghelt met onsen seghelen Jnt Jaer ons h_en dusent drie + hondert twie en_ tneghe_tich tsmanendaechs na sente andries dach apostel