Corpus Van Reenen-Mulder (CRM14): Oorkonde E198p39601

Wij dirc langhe dirx zoen en_ heijnric porter dirx zoen scepene in delf Oirconden dat Jan hoze heeft vercoft pieter cillen en_ op~ghedraghen voir ons in vollen gherechte een pond + hollans siairs payments op siin drie huzen en_ erue . vier gairde breet die gheleghen siin neffens den niewen langhen~diic ouer an die noirdzide van + der delf alre~naest kerstant pieters zoens huus en_ erue an die west~zide streckende vter delf tot der niewer scoolsteghe toe niet voiren op te staen dan viif en_ dertich scellinghe hollans siairs payments als men ons seit Jn te nemen alle Jair te meye en_ Jan voirs_ en_ eylaert Jan hozen zoen ghelouen mit zamender hant pieter voirs_ dese renten te waren als recht Is Jnt Jair ons h_en dusent drie hondert zes en_ tneghentich tsdinxdaghes op sinte victors dach