Corpus Van Reenen-Mulder (CRM14): Oorkonde E209p31401

Wj jacob van zeuen~huzen en_ diederich nannen soene scepene jn der goude orkonden dat q_m vor ons Wouter jan des smedes soene en_ lyede dat clement fyen soone heuet ane sinen huze en_ aene sinen erue dat es gheleghen tuschen ysebrant hersen en_ huge nannekins boy tien scellinghe jars eweliken staende jn paymente enen groeten tornysen ou_ achte penni_ge of payment dat alsoe goet es te betalen alle jare jn vorscoter~marckt binnen stande (onleesbaar) Ghegeuen des sonnendages vp sente matthiis dach jnt jar ons h_n m ccc en_ viertiene