Corpus Van Reenen-Mulder (CRM14): Oorkonde E209p32401

WJ arnoud die witte ende arnoud panielkin scepene in der goude orconden dat quam vor ons bruin scoute van waddins~vene ende lyede dat florens houtman jof wie dat houder es van dezen brieue heeft een pond goeder hollanscher jof payment alzo goet jarlix staende op zijn huis ende erue gheleghen in die coostrate dat hi heeft ghemiene vnder enen dake met clauze relofs sone durende alze langhe alze kerstina sijn wijf leeft tenden haerre doot die ene helft te comende vp har erfnamen ende dander helft op brun scouten vorghenoemd jof vp zijne erfnamen na zijre doot te betalen elx jaers vp zente jacobs dach met penninghe_ jof met panden alze recht es in orconde van dezen brieue beseghelt met onzen seghelen ghegheuen jnt jaer ons heren m ccc ende ver + en + twintich vp sente valentijns dach