Corpus Van Reenen-Mulder (CRM14): Oorkonde E209p33001

WJ jhan diderix sone arnout paniel ende willam aleyde sone scepene in der goude orconden dat quam voer ons jhan vettekins sone ende lyede dat hi sculdich es zente nyclaus ghilde houd_e van desen brieue vijf scellinge holl_ jn paymente enen goeden coninx tornoysen ende achte penninghen enen goeden holl_ ende enen penninch jof payment alzo goet jaers ewelike stande op siin huis en_ erue gheleghen in doudelle tuschen Jacob hotteland en_ moenekiin moenekiins sone te betaelne alle jare op sente nyclaus daghe met ghelde jof met panden rechte~voort v_loren in orconde van desen brieue beseghelt met onsen seghelen int jaer ons heren m ccc ende dertich des soenendages nae sente peter en_ sente pouwels dach