Corpus Van Reenen-Mulder (CRM14): Oorkonde E209p33101

WJ willam de witte wouter spirinch ende jhan lisen sone scepene in der goude orconden dat quam voer ons willam de springh_e ende lyede dat hi sculdich es heynen alards sone houd_e van desen brieue tien scellinghe in paymente enen goeden groten coninx tornoysen ouer achte penninghe ende enen goeden hollanschen ouer enen penninch jof payment alzo goet jaers ewelike stande op sijn huis ende Erue gheleghen in den reghenboghe tuschen melis den volre ende ? scutemak_s sone te betaelne alle jare op sente martins dach in den wint_e met ghelde jof met panden alze recht es van erfrenten jn orconde van desen brieue beseghelt met onsen seghelen ghegheuen int jaer ons heren M ccc ende een ende dertich des manen~daghes na sente pouwels dach conuersio