Corpus Van Reenen-Mulder (CRM14): Oorkonde E209p33102

WJ diderich steynelde sone ende jhan lyzen sone scepene in der goude orconden dat quamen voer ons agatha bruns scouten dochter diderich druist Ermegard diderich druists zuster ende peter lysen sone van aleyde borchmans weghene ende lyeden dat zy hebben quijt ghescouden ende noch quyt + scelden al recht dat zy hadden jof hebben mochten Ewelike ende emmermeer an dat pond hollansche dat bescreuen staet in dezen brief daer onze jeghenwoerdighe brief es doer + ghesteken jn orconde van dezen brieue beseghelt met onzen seghelen Ghegheuen jnt jaer ons heren m ccc ende een ende dertich op alre heylghen auend