Corpus Van Reenen-Mulder (CRM14): Oorkonde E209p33301

WJ arnout panelekin jan lysen soene en_ jan willem lakenmans soene scepene jn der Goude orkonden dat quam voer ons Diederich veneman en_ lyede dat jegen hem ghecoft heuet heijnrich koke die houdere es van dezen brieue een pont jars an renten jn goeden hollanschen paymente jof in payemente dat alsoe goet es eweliken standen vp dat huis en_ erue dat es gelegen nort~wart ane der port~graft ten cleywege uitwaarts en_ hadde ghewezen jacobs van seuenhuzen en_ diederich veneman cofte jegens den rente~meyster van (onleesbaar) alle jare te betalen alle jaere met peningen jof met panden alse recht es vp alre goeds heylegen dach Omme~dat dit Waer es vaste en_ gestade sel bliuen soe hebbe wi scepene voergenoemt dezen brief besegelt met onsen segelen Ghegeuen des vridaeges na sente lambrechts dach jnt jaer ons heren m ccc en_ drie + en + dertich