Corpus Van Reenen-Mulder (CRM14): Oorkonde E209p33501

WJ jan florens jan de witte nannekins soene en_ jacob clinck_t scepene jn der Goude ? met desen brieue besegelt met onsen seghelen dat q_m voer ons jacob pieters soene en_ lyede dat hi schuldich es heinrich allart soene houd_e van desen brieue een pont goed_ hollansch jars an renten eweliken te stane vp siin huis en_ vp siin erue daer hi woent streckende tuschen der hauen en_ der goude en_ es beleghen met erue met der steghe ane der suitside en_ kerstant jacobs suagher met sinen huise en_ erue ane der nortside alle jare te betalen vp alre heyleghen dach met peninghen jof met goeden panden v_loren alse recht es van erfrenten Ghegheuen des manendages voor seinte katerinen dach jnt jaer ons he_n m ccc en_ viu + en + dertich