Corpus Van Reenen-Mulder (CRM14): Oorkonde E209p33502

WJ jan de witte nannekins soene claus van der thille en_ jacob clinckart Scepene jn der Goude orkonden met dezen jeghenwoordegen brieue besegelt met onzen seghelen Dat q_m voer ons clais die vlugger en_ lyede dat hi schuldich es heinrick koeken houde_ van desen brieue een pond goeden hollansch jars an renten eweliken the stane vp sin huis en_ erue Dat hi legghende heuet vp der goude en_ heuet beleghen met erue arnoud die witte vp die oest~side en_ Wouter adaems soene vp die west~side alle jaere the betalen met penni_ghen jof met panden vp den meye~dach den derden penni_ghe beter v_loren tenden viertien + daeghen Ghegheven des saterdaeghes na des heilichs crucen dach jnt jaer ons he_n m ccc en_ viu + en + dertich