Corpus Van Reenen-Mulder (CRM14): Oorkonde E209p33601

WJ arnout die witte kerstiaen bruninx soene en_ diederich witten neve scepene jn der Ghoude orkonden en_ kennen dat q_m voer ons arnout rijhout en_ lyede dat hi schuldich es heijnrich koeken die een houder es van desen brieue een pont goeder hollansch jars an renten eweliken the staene vp siin husinghe en_ vp siin erue dat hi cofte jeghens he_n peter den pape van den gasthuse gheleghen oest~wart van der kerken en_ heuet beleghe_ met erue griete des naijers suster vp die oest~side en_ melis vp die west~syde alle jaere the betalen binnen meye met peninghen jof met goeden panden verloren alse recht es van erfrenten En_ omme~dat dit vaste en_ ghestade sal bliuen eweliken onv_broken soe hebbe wi scepene voerghenoemde desen brief beseghelt met onsen seghelen Ghegheuen des sonnendaghes vp midfasten jnt jaer ons he_n m ccc en_ ses + en + dertich