Corpus Van Reenen-Mulder (CRM14): Oorkonde E209p33604

WJ Willem die witte Jan lijsen soene en_ jonghe florens houtman scepene jn der Goude orkonden met desen brieue besegelt met onsen seghelen dat quam voer ons Diederich die priker en_ lyede dat hi schuldich es willaem ludolf soene houd_e van desen brieue viif scellinghe goeder hollansch jars an renten Jof met sulken paymente dat der jeghens ghaet te betalen alle jaere tsente jacobs misse jn der goude~marcht met peninghen jof met goeden panden v_loren alse recht es van erfrenten welke viif schellinghe jars eweliken staende sullen bliuen vp sin huis en_ erue dat hi heuet vp dit ende van den cleyweghe en_ heuet beleghen met erue roelof vp der suitside en_ gherart van aken vp der nortside jn orkonden van desen brieue Ghegheuen des manendaghes na sente lossien dach jnt jaer ons he_n m ccc en_ sess + en + dertich