Corpus Van Reenen-Mulder (CRM14): Oorkonde E209p33801

WJ jan volchm_ kerstiaen bruninx soene en_ symon floren soen scepene jn der Goude orkonden en_ kennen met desen brieue beseghelt met onsen seghelen dat q_m voer ons jan gherarts soene en_ lyede dat hi schuldich es heinrich allart soen houd_e van desen brieue twintich scellinghe goeder holl_ jars an renten eweliken te stane vp siin huis en_ erue dat hi heuet ane der v_wer~brugghe en_ heet svans~voert alsoe alst daer gheleghen es En_ ghebraech daer ane dat niet goet ghenoech en ware soe heuet jan gherart soene voert ghewilcort dat hem heinrich allart soene voert v_halen mach ane sinen and_n huze en_ erue dat hi heuet an den cleywech tuschen coppins schilts en_ willems kusers alle jare te betalen vp den meydach met ghelde jof met goeden panden alse recht es van erfrenten jn orkonden van desen brieue Ghegheuen des sonnendaghes vp sente clements auent jnt jaer ons he_n m ccc en_ acht + en + dertich