Corpus Van Reenen-Mulder (CRM14): Oorkonde E209p34001

WJ willem die witte arnout paneel en_ kerstiaen bruninx soene scepene jn der Goude orkonden en_ kennen met desen brieve beseghelt met onsen seghelen Dat q_m voer ons jan wouters soene van loesdunen En_ lyede dat hi vercoft heuet Claus ludolf soene houdere van desen brieue seuen scellinghe jars an renten goeder holl_ jof payment dat daer voer ghaet eweliken te stane die ene helft vp sasbout quaet soens huis en_ erue En_ die ander helft vp arnouts ? haer huis en_ erue dat bede huis en_ erue gheleghen siin jn groenendale En_ heuet beleghen met erue gherart hilknecht vp die westside En_ gheret ? vp die oestside alle jare te betalen vp den meydach met peninghe jof met panden die derden peninch bet_ v_loren tenden viertien + daghen jn orkonden van desen brieue Ghegheuen des saterdaghes na sente pontiaens jnt jaer ons he_n m ccc en_ viertich