Corpus Van Reenen-Mulder (CRM14): Oorkonde E209p34101

WJ pauwels van ruven jacob maes en_ diederich witten neve scepene jn der Goude orkonden en_ kennen dat q_m voer ons har Wille_ goele priester kapelaen van onser vrouwen altaer van der goude En_ lyede dat hi v_coft heuet diederich remwart soene houd_e van desen brieue die thien scellinghe holl_ jof paym_ dat dar voer gaet jars an renten die hi ghecoft hadde jegens ricout den smit Eweliken te stane vp claus damaes soens huis en_ erue dat ghelegen es vp die westside van der hauene tuschen claus kup_s wedue en_ der steghe alle jare te betalen vp alre heyleghen dach met gelde jof met panden alse recht es van erfrenten En_ met desen brieue es ghedoet die brief die ricout hadde van desen voerseyden tien scellinghe jars sprekende vp dit voergem_ket huis en_ erue En_ haer willem goele heueten ou_~ghegheuen die ghemaket was jnt jaer van acht + en + twintich vp sente peters dach en_ sente pauwels En_ omme~dat dit waer es en_ ghestade sel bliuen soe hebbe wi scepene voerghenoemt desen brief besegelt met onsen segelen Ghegheuen des manendages voer sente jans dach vitgaende oexte jnt jaer ons he_n m ccc en_ ene en_ + viertich