Corpus Van Reenen-Mulder (CRM14): Oorkonde E209p34102

WJ kerstiaen bruninx soene diederich yden soen En_ gherart ludolf soene scepene jn der goude orko_den en_ kennen dat q_m voer ons diederich die brune die blokemak_e En_ lyede dat hi schuldich es heinrich koeken die houd_ es van desen brieue thien schellinghe holl_ jars an renten jof paym_t dat daer voer gaet Eweliken te stane vp sin huis en_ erue dat hi staende heuet vp der goude En_ heuet beleghen met erue brune gherart yden soens soene vp die oestside en_ florekiin die kuper vp die westside alle jare te betalen vp sente lambrechts dach jn die later goude~marcht met ghelde jof met panden alse recht es van erfrenten En_ omme~dat dit vaste en_ ghestade sel bliuen soe hebbe wi scepene voerghenoemt desen brief besegelt met onsen seghelen Ghegheuen des sonne_dages na onser vrouwen dach jn septembar jnt jaer ons heren m ccc en_ ene en_ viertich .