Corpus Van Reenen-Mulder (CRM14): Oorkonde E209p34201

WJ jacob van der goude diederich yden soene en_ florens die hount scepene jn der Goude orkonden en_ kennen dat quam voer ons ghertruit pieter claus soens wedue met haren vijf soenen daer die tue of self mondich siin dirch en_ claus En_ peter en_ symon en_ goedev_t die monch dese drie leste die en siin ? jarich maer si hebben ghewilcort met haer monbars hant En_ lyen dat si schuldich siin ghisebrecht netten soene die een houder es van desen brieue thien scellinghe holl_ jof paym_t dat daer voer gaet jaers an renten Eweliken te stane vp haer alre huis en_ erue dat si staende hebben vp der goude En_ heuet beleghen met erue arnt sibrecht soene vp die nortside En_ heinrich breye vp die suitside alle jare te betalen vp sente martins dach jn den winter met ghelde jof met panden alse recht es En_ om~dat dit vaste stade sel bliuen soe hebbe wi scepene die voerghenoemt siin desen brief besegelt met onsen seghelen En_ bi den rade van der stede om~datter drie kinder onmondich siin Ghegheuen des manendages nae sente peters dach jn~gaende lenten jnt jaer ons he_n m ccc en_ tue en_ viertich