Corpus Van Reenen-Mulder (CRM14): Oorkonde E209p34301

WJ wouter Spierinch gherart diederix soene en_ helmaer Dames soen scepene jn der Goude orkonden ende kennen dat q_m voer ons jacob rosekin en_ Suanelt sin dochter En_ lyeden beyden te~samen dat si schuldich siin diederich den coch houd_e van desen brieue viif scellinghe holl_ jars an renten jof paym_t dat daer voer gaet Eweliken te stane vp haer huis en_ erue dat si staende hebben jn tevencoep En_ hebben beleghen met erue diederich claus soen vp die oest~side en_ willem dirchs soen vp die west~side alle jare te ? vp sente odolfs dach met gelde jof met panden alse recht es van erfrenten En_ omme~dat dit vaste en_ ghestade sel bliuen soe hebbe wi scepene voerghenoemt desen brief besegelt met onsen seghelen Ghegheuen des donres~dages vp sente bonefaes dach jnt jaer ons he_n m ccc en_ drie en_ viertich