Corpus Van Reenen-Mulder (CRM14): Oorkonde E209p34302

WJ pauwels van ruven gherart diederic soene en_ helmaer damaes soene scepene jn der goude orkonden en_ kennen dat q_m voer ons jacob diederix soene en_ lyede dat hi schuldich es den hospitale van der goude dat houder es van desen brieue thien scellinghe holl_ jars an renten eweliken te stane vp siin halue huis en_ erue dat hi heuet onderdeel met sinen svagher dat gheleghen es neuens willem des witten vp die nortside van der straete En_ beleghen met der steghe vp die westside En_ vp die oestside heuet beleghen hube ghisen soen met huse en_ erue alle jare te betalen vp sente peters dach jn den lenten met gelde jof met panden alse recht es van erfrenten En_ om~dat dit waer es soe hebbe wi scepene voerghenoemt desen brief besegelt met onsen seghelen Ghegheuen des manendaghes voer palme~sondach jnt jaer ons he_n m ccc en_ drie en_ viertich