Corpus Van Reenen-Mulder (CRM14): Oorkonde E209p34303

WJ wouter spierinck diederich witten neve en_ helmaer scepene jn der Goude orkonden en_ kennen dat q_m voer ons willem die cruer florens des hont + soene En_ lyede dat hi schuldich es agheten arnt wendekins wedue houdersce van desen brieue acht + en + dertich scellinghe en_ ses peninghe holl_ jof payment alsoe goet Eweliken te stane up (onleesbaar) den huse daer segevrijt dat wederdeel of heuet vp die zuitside En_ willem ? die nortside alle jare te betalen die ene helft vp sente martiins dach in (onleesbaar) En_ die ander helft vp sente peters dach inghaende lenten En_ tote desen dach voerseit te betalen met gelde jof met panden alse recht es van erfrenten ? ? desen brief es ghedoet een ander brief die ghemaket was van desen seluen renten En_ vp dese selue daghe jnt jaer van acht + en + vinteghen vp sente matthiis avent En_ omdat dit waer es En_ vast sel bliuen soe hebbe wi scepene voerghenoemt desen brief besegelt met onsen seghelen Ghegheuen des donres~dages voer sente jans + dach te midsoemere int jaer ons he_n m ccc en_ drie en_ viertich