Corpus Van Reenen-Mulder (CRM14): Oorkonde E209p34601

WJ willem die witte jonghe jan diederich en_ arnoud paneel scepene jn der goude orkonden en_ kennen dat q_m voer ons voppe weghebroet en_ willem bruinoghe_ En_ lyeden dat si schuldich siin heinrich allart soen die houdere es van desen brieue een pont holl_ jars an renten jn paymente schilde gherekent over tuintich g_te jof payment alsoe goet es Eweliken te stane vp har huis en_ erue dat dirch des volres was doe hi was jn lesten liue en_ nu es voppen die drie + deel en_ willem bruin~ooghen dat vierendeel en_ beleget heuet met erue marthiin mente vp die nortside en_ ymmen kinder van der mere vp die suit~side alle jare te betalen voppen weghebroet die drie + deel van den ponde voerseit en_ willem bruin~ooghe dat vierendeel vp sente jacobs dach jn die goude~marcht met gelde jof met panden alse recht es van erfrenten En_ om~dat dit waer es soe hebbe wj scepene voerghenoemt desen brief besegelt met onsen seghelen ghegheuen des dinxendages voer onser vrouwen dach jn decembar jnt jaer ons he_n m ccc en_ ses ende viertich