Corpus Van Reenen-Mulder (CRM14): Oorkonde E209p34701

WJ jacob maes diederich die porter en_ gherart diederichs soene scepene jn der Goude orkonde_ en_ kennen dat q_m voer ons diederich pich en_ lyede dat hi schuldich es heinrich koeken die houder es van desen brieue viif scellinghe holl_ jars an renten jn paymende alse genghe alse genge en_ gaue es en_ men mede coept en_ v_coept vp der straten sonder archeijt Eweliken te stane vp siin verst ende van sinen huise dat hi staende heuet jn die boemgart~strate en_ dat achterst ende niet gereert en_ heuet belegen met erue hanne pich vp die nortside en_ melis heinen boy vp die suitside alle jare te betalen vp sente petrus dach jn~gaende lenten met gelde jof met panden alse recht es van erfrenten En_ om~dat dit vast en_ stade sel bliuen soe hebbe wj scepene voerghenoemt desen brief besegelt met onsen segelen Ghegeuen des sonnendages na sente ger + dach jn half marthe jnt jaer ons he_n m ccc en_ seuen en_ viertich