Corpus Van Reenen-Mulder (CRM14): Oorkonde E209p34802

WJ ricout ghisebrechts sone thideman jan soene en_ gherart melis soen scepene jn der Goude orkonden en_ kennen dat q_m voer ons willem clais hannen soens sone en_ lyede dat hi schuldich es margrieten pieter valke_ soens wedue een pont holl_ jars an renten Eweliken te stane vp die drie + deel van den huse en_ erue dat piet_ valken soens was doe hi was jn lesten lyue en_ staende hadde vp die oest~side van der hauene ane wille_ ricout svagher te betalen alle jare die ene helft te meye en_ die ander helft tote alre heileghen mise En_ tote elken daghe voerseit te betalen met ghelde jn payemente daer men broet en_ bier mede coept jof met panden alse recht es En_ voert est voerwarden dat margriete_ die voerghenoemt es sel bliuen wone_ jn den huse haerre notorst van wonen jn te hebben eweliken tote haren lyue alse langhe alset haer ghenoecht sonder archeijt En_ om~dat dit waer es soe hebbe wj scepene voerghenoemt desen brief beseghelt met onsen seghelen Ghegheuen des vridages na sente gherden dach jnt jaer ons he_n m ccc en_ achtende viertich