Corpus Van Reenen-Mulder (CRM14): Oorkonde E209p35001

WJ claus goele diederich iden soen en_ ricoud ghisebrechts sone scepene jn der Goude orkonden en_ kennen met desen brieue beseghelt met onsen seghelen dat q_m voer ons hille vrowins en_ siborch haer dochter en_ lyeden dat si schuldich siin heinrich allart sons sone heinekin die houd_e es van desen brieue ses scellinghe holl_ in payemente daer men broet en_ bier mede coept sonder archeit jars an renten Eweliken te stane vp haer huis en_ erue dat si staende hebben in den reghenboghe en_ heuet belegen met erue claus van bloemendael vp die zuitside en_ heinrich claus soen vp die nortside en_ vp al die rente die si vp dat erue ghemaecht hebben alle jare te betalen vp den meydach met ghelde jof met panden alse recht es jn orkonden van desen brieue Ghegheuen des woensdages na sente margarieten dach jnt jaer ons he_n m ccc en_ viftich