Corpus Van Reenen-Mulder (CRM14): Oorkonde E209p35301

Wj rikout ghizebrechts soen dirc yden soen ende vrederic symoens soen scepene binnen der ghoude oorkonden ende kennen dat q_m voer ons koeman jan ende lyede dat hj scoudich js gherret melis soen houder dis briefs vierendartich scellinghe ende drie pemninghe holl_s jaers eweliken durende op siin huis ende erue dat hi staende heeft an de hoghestrate ende beleghen heeft mit erue ? nannekiins docht_ an de zuitzide ende jacob truden soen an de noortzide alle jare te betalen de ene helft op den meye~dach ende dander helft op alre heylighe_ dach ende tot elken daghe voors_ te betalen mit buerseghelde of met panden alze recht js in oorkonden dis briefs bezeghelt mit onsen seghelen ghegheuen des woonsdaghes na sinte bauen dach jnt jaer ons he_n m ccc drie ende viiftich