Corpus Van Reenen-Mulder (CRM14): Oorkonde E209p35302

Wj rikout ghizebrechts soen willaem allaerts soen ende tedeman jans soen scepene binnen der goude oorkonden ende kennen dat q_m voor ons Willaem van den ghoewech ende lyede dat hi sculdich js gheertrude yordaens dochter die houder js dis briefs tien scellinghe holl_s buerseghelts jaers eweliken durende op siin huis ende erue dat hi staende heeft an de coestrate ende beleghen heeft mit erue zeghevri de kammaker an de zuitzide ende griete springhers an de noortzide alle jare te betalen op den kersauent mit ghelde of mit panden alze recht js van erfrenten jn oorkonden dis briefs bezeghelt mit onsen seghelen ghegheuen des dinendaghes na onser vrouwen dach v_holen jnt jaer ons heren m ccc drie ende viiftich