Corpus Van Reenen-Mulder (CRM14): Oorkonde E209p35502

Wj jonghe dirc willams zoen dirc veren yden zoen en_ iacob mouwen zoen scepene binnen der ghoude oerkonden en_ kennen dat quam voer ons niclijs pieters zoen en_ lyede dat hi vercoft heuet janne haghen dertich scellinghe holl_s des iaers buerseghels eeuwelike te stane op zijn huus en_ erue daer hi in woent en_ staet op die goude en_ bileghet heeft mit huze en_ mit erue an die zuutzide dirc claes zoen en_ an die noertzide mit huse en_ mit erue syman gheret zoen te bitalen alle iare die ene heleft tote voorscotenre~marct en_ die ander heleft tot valkenburghe~marct of binnen viiftien + daghen na elken daghe onbigrepen mit ghelde of mit panden alse recht is van erfrenten Jn oerkonde van desen brieue bizeghelt mit onsen zeghele_ Ghegheuen des sonnendaghes na sente martijns dach in + den winter jnt iaer ons he_n m ccc ende viue en_ vijftich