Corpus Van Reenen-Mulder (CRM14): Oorkonde E209p35901

WJ dirc yden soon tedeman jans soon ende Jan gelis soon scepene binnen der ghoude oorkonden ende kennen dat quam voor ons florens claes soon en_ lyede dat hi scoudich is Jacob ghodeuaerts soon viertich scellinghe holl_s buerzeghelts jaers an renten eweliken duerende op siin huis en_ erue alsoe alst betimmert is en_ hiit cofte jeghens jacob voorscr_ dat gheleghe_ is in hontscoep en_ beleghe_ hebben mit erue Jacob zelue westwaerts en_ pieter roest oestwaerts alle jare te betale_ op den meyedach mit ghelde of mit panden alze recht is van erfrenten jn kennissen der Waerheit bezeghelt mit onsen seghelen ghegheuen des manendaghes na Sinte gheerden dach jnt jaer ons h_n &mring; ccc˚ neghen + en_ viiftich