Corpus Van Reenen-Mulder (CRM14): Oorkonde E209p36001

Wj jan didden soen dirc florens soen en_ jacob voppen soen scepene binnen der ghoude oorkonden ende kennen dat q_m voor ons gherr_ harbaerns soen en_ lyede dat hi scoudich js vrederic symans soen een pont holl_s buerzeghelts jaers an renten eweliken duerende op ziin huis en_ erue dat hi staende heeft an de ghoude en_ heeft beleghe_ miit erue volkaert de smit an de oestzide ende willaem jacob soen an de westzide alle jare te betale_ op sinte martiins dach in den winter mit ghelde of mit panden alze recht js van erfrenten Jn kennissen der waerheit soe hebben wi scepene voorscr_ dezen brief bezeghelt mit onzen zeghelen ghegheuen op den darden dach in maerte jnt jaer ons he_n m ccc en_ tsestich