Corpus Van Reenen-Mulder (CRM14): Oorkonde E209p36101

Wj rikout ghizebrechts soen gherr_ jans soen en_ jan claes soen scepene binnen der ghoude oorkonden en_ kennen dat q_m voer ons dirc ghizebrechts soen en_ lyede dat hi scoudich js voppen vrederix soen viiftich scellinghe holl_s buerzeghelts jaers an renten ewelike_ duerende op zijn huis en_ erue dat hi staende heeft an de hoechstraet ende hebbe_ beleghe_ mit erue symoen ? soen an de noortzide en_ willaem vriesen kiinder an de zuitzide alle jare te betale_ de ene helft op den meye~dach en_ dander helft op alre + heylighe_ dach mit ghelde of mit panden alze recht js van erfrenten Jn kennessen der waerheit bezeghelt mit onzen zeghele_ ghegheuen des sonnen~daghes na sinte bonefaes dach jnt jaer ons h_n m ccc een en_ tsestich