Corpus Van Reenen-Mulder (CRM14): Oorkonde E209p36102

Wj rikout ghizebrechts soen gherr_ jans soen en_ heynric jans soen scepene binnen der ghoude oerkonden en_ kennen dat q_m voor ons rutgheer rutghaers soen en_ lyede dat hi scoudich js coeman arnts kiinder mit gezamender + hant ongesceijden vier pont holl_s buerzeghelts jaers an renten eweliken duerende op siin huis en_ erue dat hi staende heeft an de twie~straet en_ hebben beleghen mit erue gh_e van lenen zuitwaerts en_ arnt clement soen noertwaers alle jaren te betalen de ene helft op alre heylighe_ dach en_ dander helft op den meye~dach mit ghelde of mit panden alze recht js van erfrenten jn kennessen der waerheit bezeghelt mit onzen zeghele_ ghegheuen op den tvintichsten dach in junio jnt jaer ons heren m ccc ien en_ tsestich