Corpus Van Reenen-Mulder (CRM14): Oorkonde E209p36103

Wj rikout ghizebrechts soen gherr_ jans soen en_ jan claes soen scepene binnen der ghoude oorkonden en_ kennen dat q_m voor ons gher_ van ghinkel en_ lyede dat hi scoudich js dirc boudiin drie pont holl_s buerzeghelts jaers an renten eweliken duerende op siin huys en_ erue dat hi staende heeft an + de ghoude en_ heeft beleghen mit erue jan de smit an de noortzide en_ ? an zuutzide alle jaere te betale_ de ene helft op den meye~dach en_ dander helft op alre + heilighen dach mit ghelde of mit panden alze recht js van erfrenten Jn kennissen der waerheit bezeghelt mit onzen zeghelen ghegheuen des woensdaghes na des heylighen crucis dach ? int jaer ons h_n m ccc een en_ tsestich