Corpus Van Reenen-Mulder (CRM14): Oorkonde E209p36201

Wj gher_ jans soen willaem heynen soen en_ dirc dirx soen scepene binnen der ghoude oorkonden en_ kennen dat q_m voor ons Jan claes soen en_ lyede dat hi scoudich js rikoude ghizebrechts soen vier pont holl_s buerzeghelts jaers an renten eweliken duerende op siin huis en_ erue dat hi staende heeft an de scluize en_ hebben beleghe_ mit erue rikout zelue noortwaerts en_ nanne zuitwaerts alle jare te betale_ de ene helft op sinte pieters dach in zulle (onleesbaar) dander helft op sinte jacobs dach mit ghelde of mit panden alze recht js van erfrenten Jn kennissen der waerheit bezeghelt mit onzen zeghele_ ghegheuen des dinxdaghes na jaers~dach Jnt jaer ons heren m ccc twe en_ tsestich