Corpus Van Reenen-Mulder (CRM14): Oorkonde E209p36202

Wj claes ghoele pieter jan lakenmans soen en_ nanne claes soen scepene binnen der ghoude oorkonden en_ kennen dat q_m voor ons symoen ghizebrechs soen en_ lyede dat hi scoudich js claes ysebrants soen vier pont holl_s buerzeghelts jaers an renten eweliken duerende op siin huis en_ erue dat hi staende heeft ouer~jeghens der stouen en_ hebben beleghen mit erue gher_ volprechts soen an de zuitzide en_ wolfaert ymmekiin soen an de noortzide alle jare te betalen op sinte pieters dach in zulle mit ghelde of mit panden alze recht js van erfrenten Jn kennissen der waerheit bezeghelt mit onzen zeghelen ghegheuen op sinte matthiis dach int jaer ons heren m ccc twe en_ tsestich