Corpus Van Reenen-Mulder (CRM14): Oorkonde E209p36203

Wj clais ghoele piet_ jan lakenmans soen en_ dirc kerstants soen scepene binnen der ghoude oerkonden en_ kennen dat q_m voer ons jan willaems soen en_ lyede dat hi scoudich js symoen loepix soen vier pont holl_s buerzeghelts jaers an renten eweliken duerende op siin huis en_ erue dat hi legghende heeft in groenendaal an de westezide en_ hebben beleghe_ mit erue jacob (onleesbaar) an de ene zide en_ hannekiin bestaerts kiinder an dander zide alle jare te betale_ de ene helft op alre heylighe_ dach en_ dander helft op den meye~dach mit ghelde of mit panden alze recht js van erfrenten Jn ke_nissen der waerheit bezeghelt mit onsen zeghele_ ghegheuen des darden daghes in meyemaent int jaer ons h_n m ccc tuue en_ tsestich