Corpus Van Reenen-Mulder (CRM14): Oorkonde E209p36205

WJ pieter jan lakenmans soen dirc kerstants soen en_ nanne claes soen scepene binnen der ghoude oorkonden en_ kennen dat q_m voor ons Jacob bestekiin en_ lyede dat hi scoudich is coppaert teden soon tien scellinghe holl_s buerzeghelts jaers an renten eweliken duerende op siin hws en_ erue dat hi staende heeft in de oude delle en_ hebben beleghe_ mit erue willaem de scotelaer oestwaerts en_ mit enen ziil westwaerts alle jare te betalen op den meyedach mit ghelde of mit panden alze recht is van erfrenten Jn kennissen der waerheit bezeghelt mit onzen zeghelen ghegheuen op den eersten dach in wedemaent jnt jaer ons heren m ccc twe en_ tsestich