Corpus Van Reenen-Mulder (CRM14): Oorkonde E209p36301

WJ Willem heynnen soen . Jan Claes soen . En_ Claes die breede scepen binnen der Goude orconden en_ kennen dat quam voer ons jan Ruische en_ lyede dat hi scoudich es jacob cupers drie kinderen jan willem en_ symon . vijf pont holl_s buerse~ghelt jaers an Rentten Eeweliken durende op zijn huus En_ erue dat hi staende heeft op die ghoude en_ beleghen hebben met erue jacob van ghinckel op die west~zyde En_ Reynwart op die oest~zide En_ dese voersc_ rentten zel hi betalen alle jaer die een helft op alre heylighen dach / En_ die ander helft opten meyedach met ghelde of met panden alse recht es van erfrentten / En_ hier mede soe es ghedoet enen scepen~brief die ghemaect was jn + den jare van achte ende vijftyghen des donre~daghes na sinte willebroerdus dach / Jn + kennessen der waerheyt soe hebben wi scepene voersc_ desen brief bezeghelt met onsen zeghelen / Ghegheuen des manen~daghes na sintte panckraes dach . Jnt jaer ons th_en . m ccc drie en_ tsestich , , ,