Corpus Van Reenen-Mulder (CRM14): Oorkonde E209p36501

WJ . Jan dircx soen . Dirc kerstants soen . Ende jacob claes soen . Scepene binnen der goude orkonden en_ kennen dat quam voer ons koen dwinghelant . Ende lyede dat hi scoudich is Delyanen willam tinouts dochter . viertich . scellinghe holl_s buerse~ghelts jaers an renten Eewelyken durende op ziin huus ende erue Dat hi staende heeft jn die koenninx~strate . Ende beleghen hebben met eruen zegher die wannemaker op die zwt~zide Ende aert pepelbier op die noert~zyde . alle jaer te betalen op alre + heylighen dach met ghelde of met panden alse recht js van erfrenten . Jn + kennessen der waerheyt soe hebben wi Scepene voersc_ desen brief bezeghelt met onsen zeghelen Ghegheuen des vry~daghes na sinte lucas dach Ewangelist . Jnt jaer ons h_en dusent drie hondert viue en_ tsestich , ,