Corpus Van Reenen-Mulder (CRM14): Oorkonde E209p36502

WJ pieter jan Lakemans soen Ghisebrecht van dobben en_ Matthiis Scoters soen scepen binnen der ghoude orkonden en_ kennen dat voer ons quam machtelt gheret da_maes soens dochter met haren ghecoren voecht en_ liede dat si scoudich is Gheyen volprechts soen tien scellinghe holl_s buerzeghelts des jaers an renten eweliken durende op haer huus en_ erve dat si staende heeft in die oude delle ende beleghe_ hebben met erven dirc slupic an die oestzide ende syman hughen soen an die westzide alle jaer te betalen op den meye~dach met ghelde of met panden als recht is van erfrenten In kennessen der waerheyt bezeghelt met onsen zeghelen Ghegheuen op den tyenden dach in zulle Int jaer ons heren dusent drie hondert viif ende tsestich