Corpus Van Reenen-Mulder (CRM14): Oorkonde E209p36601

WJ Jan Stoue . Vrederic dyuel . Ende Jan mouwen soen Scepene binnen der goude orkonden ende kennen dat quam voer ons . Voppe harmans wysen soen . Ende lyede dat hi scoudich is Jacob pieters soen . Een pont holl_s buerse~ghelts Jaers an renten Eewelyken durende op ziin huus ende erue dat hi staende heeft teynden der keysers~straet . Ende beleghen hebben met eruen dammaes Reymmoeden soen op die west~zyde ende Jan van berckoude op die oest~zyde . Alle Jaer te betalen opten pijnster~dach . met ghelde of met panden alse recht is van erfrenten . In + kennessen der waerheyt soe hebben wi Scepene voersc_ desen brief bezeghelt met onsen zeghelen Ghegheuen opten sesten dach in september Jnt Jaer ons heren dusent drie hondert zes ende tsestich