Corpus Van Reenen-Mulder (CRM14): Oorkonde E209p36602

WJ Jan Stoue . Claes Flores soen . Ende Jan mouwen soen Scepene binnen der goude orkonden ende kennen dat quam voer ons Reynnout snyder Ende lyede dat hi scoudich is barent gherets soen . viertich scellinghe holl_s buerse~ghelts . jaers an renten . Eewelyken durende op ziin huus ende erue dat hi staende heeft jn teuenscoep Ende beleghen hebben met eruen . trude van + den rijn op die west~zyde . Ende willam vredericx soen op die oest~zyde . alle Jaer te betalen op sinte maertijns dach In + den wiinter met ghelde of met panden alse recht is van erfrenten . In + kennessen der waerheyt soe hebben wi Scepene voersc_ desen brief bezeghelt met onsen zeghelen Ghegheven des donre~daghes na sinte katerynen dach . Jnt jaer ons h_ dusent drie hondert zes ende tsestich - - -