Corpus Van Reenen-Mulder (CRM14): Oorkonde E209p36702

WJ Ghysbrecht van dobben Jacop clais soen ende dirc gherets soen Scepen binnen der goude orkonden ende kennen dat quam voer ons ocker dircs soen ende lyede dat hi sculdich Js brwn clais soen een pont holl_s buerzeghelts Jaers an renten ewelike duerende op sijn huus ende erve aldaer hi nv ter tijt in woent Jn + de coninx~strate en_ beleghen hebben mit erven dirc nanne en_ die steghe an + de noirtzide en_ dirc roemers swaghers kinder an + de zwtzide en_ die mandemaker asef an + de westzide alle Jare te betalen op sinte symon Juden dach mit ghelde of mit panden alse recht Js van erfrente_ Jn kenness_ der waerheyt bezeghelt mit onsen zeghelen gheg_ des donredaghes na der elf dusent maghede dach Jnt Jaer ons he_n m ccc seuen ende tsestich