Corpus Van Reenen-Mulder (CRM14): Oorkonde E209p37101

Wj ian clais soen nanne clais soen en_ ghiisbrecht van dobben scepen binnen der goude oerkonde_ en_ kennen dat quam voer ons ghiisbrecht ghiisbrechts soen en_ liede dat hi sculdich is Willem coenraets soen een pont holl_s iaers an rente_ buerseghelt eweliken duerende op siin huus en_ erue dat hi staende heeft in die papen~steghe en_ beleghe_ hebben mit erue_ ghis_ clais soen an die oestzide en_ mathiis ians soen an die westzide alle iaer te + betalen op den meye~dach met ghelde of met panden alse recht js van erfrente_ Jn kennessen der waerheit soe hebbe_ wj scepe_ voerscr_ desen brief beseghelt met onsen seghelen ghegheuen des woensdaghes na odulphi Jnt Jaer ons hee_n m ccc een ende tseuentich