Corpus Van Reenen-Mulder (CRM14): Oorkonde E209p37102

WJ gheret jans soen jan claes soen ende ghiisbrecht van dobben scepen binne_ der goude orkonde_ en_ kenne_ dat quam voer ons jan willem scaeps soen ende lyede dat hi sculdich js dirc de volre een pont holl_s jaers al~zulke ghelt als men bier ende broet om coept eweliken durende op siin hws ende erue dat hi nv ter tyt bewoent in + de coninx~straate Ende beleghen hebben mit erue_ pieter zibe an + de zwtzide ende jan vijf~scellinghe an + de noertzide alle jare te betalen tot Valkenborchmarct mit ghelde of mit panden alse recht js van erfrenten jn kennessen der waerheyt beseghelt mit onsen zeghelen ghegheue_ op sinte jans avont baptista decollatio Jnt Jaer ons he_n m ccc een en_ tseventich