Corpus Van Reenen-Mulder (CRM14): Oorkonde E209p37301

WJ aernt van der goude Wolfaert Willaems soen en_ allaert pieters soen Scepe_ binne_ der goude orkonden ende kennen dat quame voer ons machtelt ghenen mit husen . pieters soen hare_ voecht en_ lyeden dat si sculdich siin coman ian maselants soen . viif ende twintich scellinghe holl_s buerseghelts jaers an renten . eweliken duerende . alle iaer te + betalen op den meye~dach naest~coemende met ghelde of met panden alse recht Js van erfrenten . Ende dit hebben si verploghen op dat hws en_ erve dat gheleghen is op den hoec van der keyser~strate en_ beleghen heeft mit erven willam hanne ecken soens soen . an die oestzide en_ ian daems soen an die zwt~zide Ende mit desen voerscreve_ Rente_ Soe heeft ian daems soen en_ machtelt ghenen mit husen haren voecht dit erve voors_ ghedeelt al~soe dat op dat voereynde dese voerscreue_ Renten blive_ zellen tot den ewelike pacht ende dit erve is an Willaems zide voors_ twee roeden lanc ende an die keyser~straet . twee . roeden lanc ende vierd + alve voete van der strate of te meten . Jn + kennessen der waerheit beseghelt met onsen zeghelen Gheg_ . op Sinte servaes dach Jnt Jaer ons her_ &mring; ccc˚ drie ende tseuentich