Corpus Van Reenen-Mulder (CRM14): Oorkonde E209p37401

WJ dirc kerstants soen diirc gheraerts soen ende clais die brede Scepene binnen der goude oerkonden ende kennen dat quam voer ons hughe stomhouts soen ende lyede dat hi sculdich is trude Jordaens dochter thien scellinghe holl_s buerzeghelts iaers an Renten eweliken duerende op dat hws ende erve dat gheleghen js jn die keyserstraat ende beleghen hebben mit erve mouweriin weyten soen an die zwtzide ende iacob die ketelboeter an die noertzide alle iaer te + betalen op den meyedach naist~coemende mit ghelde of mit panden alse recht js van erfrenten In kennessen der W_heit bezeghelt mit onzen zeghele Gheg_ des ander daghes na meyedach Jnt Jaer ons h_en m ccc vier ende tseventich