Corpus Van Reenen-Mulder (CRM14): Oorkonde E209p37402

Wj diirc gheraerts soen clais die brede ende herman hermans soen scepene binnen der goude oerkonde_ ende kennen dat quam voir ons Willaem clais soen ende Wan mit allen vollen gherechte jn eenre pandinghe op aechte biermans hws en_ erven die si staende heeft an die goude Ende beleghen hebben mit erve ysebrant cruls soen an die zwtzide en_ der stede straet an die noortzide derthich scellinghe holl_s buerzeghelts iaers an renten eweliken duerende alle iaer te betalen op sinter lucyen dach naist~coemende mit ghelde of mit panden alse recht js van erfrenten Ende dese voirscr_ renten roeren wt enen ouden Scepen~brief die ghemaect was Jnt Jaer van ses ende tsestich also~dat dese brief macht hebben sel wt den datum voirscr_ Jn + kennes_ der waerheit bezeghelt mit onzen zeghelen Ghegheuen des woensdag_ na sinte odulfs dach Jnt Jaer ons he_n m ccc vier ende tseuentich