Corpus Van Reenen-Mulder (CRM14): Oorkonde E209p37501

WJ ian diirxs soen matthiis scoters soen en_ matthiis clais soen scepene binnen der goude orkonden ende kennen dat quam voer ons ? voppen soen ende wan mit allen rechte meenre pandinghe een ende vierthich scellinghe thien pe_ninghe ende eenen hallinc holl_s buerzeghelts iaers eweliken duerende wdekiin wdekiins soens hws en_ erve ende molen dat hi nv ter tijt bewoent jn die peperstraet Ende beleg_ hebben mit erve willem clais wijghekens soen an die noordzide en_ pouwels coepmans soens kint an die zwtzide alle jaere te betalen op sinte pontyaens dach mit ghelde of mit panden alse recht js van erfrente_ Ende dese rente_ roeren wt eene_ ouden scepen~brief die ghegheue_ ware des sonnedagh_ na sinte pontyaens dach Jnt Jaer vier en_ tseue_tich also~dat dese brief macht hebben sel van den datu_ voerscr_ Jn + kennessen d_ w_heit bezeghelt mit onze zeghelen ghegh_ des vrydagh_ na sinte pontyaens dach Jnt Jaer ons he_n m ccc vijf ende tseuentich