Corpus Van Reenen-Mulder (CRM14): Oorkonde E209p37503

Wj Jan diirxs soen Jan clais soen ende matthiis clais soen scepen binnen der goude orkonden ende kennen dat quam voer ons gheertrwt Euers dochter mit haren rechten voecht ende lyede dat zi sculdich js Jan rost die witbacker een pont holl_s buerzeghelts Jaers eweliken duerende op haer hws en_ erve al~daer zi nv t_ tijd jn woent Jn die conincstraet Ende beleghen hebben mit erve aernd pepelbier an die zwtzide en_ Symon van boven an de noordzide alle jaer te betalen op den meye~dach mit ghelde of mit panden alse recht js van erfrenten Jn + kennessen d_ waerheit bezeghelt mit onze zeghelen gheg_ op den sesthienden dach jn april jnt jaer ons he_n m ccc vijf ende tseuentich