Corpus Van Reenen-Mulder (CRM14): Oorkonde E209p37505

Wj Jan diirxs soen heinric ians soen ende matthiis clais soen scepen binnen der goude orkonden en_ kennen dat quam voer ons oude diirc nevekiin en_ lyede dat hi sculdich js diirc vroede jacob beren soen vierthich scellinghe holl_s buerzeghelts jaers eweliken duerende op siin twee hwze en_ erven die hi nv t_ tiid bewoent Jn sprintwiker~steghe Ende beleghen hebben mit erve gherborch clais an die zwtzide en_ diirc vroede jacob beren soen an die noordzide alle jaer te betalen tot sinte m_tiins misse jn den winter mit ghelde of mit panden alse recht js van erfrenten Jn + kennessen der waerheit bezeghelt mit onze zeghelen gheg_ des woensdag_ na meye~dach jnt jaer ons he_n m ccc vijf ende tseuentich